Территориаль иҗтимагый үзидарәләр рәисләре өчен күчмә конференция
.jpeg)
Алабугада Татарстан Республикасы Территориаль иҗтимагый үзидарәләре эшчәнлегенең актуаль мәсьәләләре буенча конференция узды. Көн тәртибенә республика территориясендә иҗтимагый үзидарәләр эшчәнлегенең актуаль мәсьәләләре һәм бурычлары, шул исәптән республикада дәүләт ярдәме һәм эш тәҗрибәсен тарату турындагы мәсьәләләр чыгарылды.
Кама Тамагы муниципаль районы башлыгы урынбасары Габидуллин Газинур Авхат улы, Территориаль иҗтимагый үзидарәләр рәисләре Мозафарова Татьяна-«Южная околица» территориаль иҗтимагый үзидарәсе, «Камыш» территориаль иҗтимагый үзидарәсе, Винников Альмир, «Богородское» Азанчеев Татьяна составындагы район делегациясе күчмә киңәшмәдә катнаштылар.
Конференция эшендә «Татарстан Республикасы Муниципаль берәмлекләре Советы» Ассоциациясе рәисе Әгъзам Гобәйдуллин, Татарстан Республикасы Президентының Территорияләр белән эшләү идарәсе башлыгы урынбасары Андрей Нефедов, Татарстан Республикасы Дәүләт Советының Дәүләт корылышы һәм җирле үзидарә комитеты рәисе Альберт Хәбибуллин, Алабуга муниципаль районы башлыгы, Алабуга шәһәре мэры Рөстәм Нуриев, Татарстан Республикасы министрлыклары вәкилләре, муниципаль районнар һәм шәһәр округлары башлыклары урынбасарлары, республиканың 457 территориаль иҗтимагый үзидарәсе вәкилләре катнашты.