Кама Тамагы муниципаль районы

Иске Казиле авыл җирлегендә “Авыл көннәре”

2013 елның 27 июне, пәнҗешәмбе

Иң беренчеләрдән булып, 25 нче май көнне Атабай авылы халкы Зират өстендә өмә оештырды. Башлап йөрүчеләр Хадиева Әлфия, Валиева Әлфияләр иде. Авыл халкы соңыннан мәдәният йорты каршында самоварлар куеп, тәмләп чәй эчтеләр. Шушы ук көнне 15 кенә йортлы булса да Бишалаб авылы халкы да күмәк өмәгә чыкты. Монда башлап йөрүче Нәзмиева Рәсимә иде.

1 июнь көнне Караталлылар иртәнге 8 дә зират өстенә өмәгә барып, зират өстен бик күп чуп чардан арындырдылар, корыган ботаклар, агачлар түктеләр. Сәгать 5 тә мәдәният йорты янына янына җыелып күңел ачтылар. Башлап йөрүчеләр Яруллин Галимҗан, Байтимирова Хәмдия, Байтимиров Гарифҗан, Яруллина Талия, Сулейманова Дамирәләр.

8 июнь көнне Иске Казиле үзенең 690 еллык туган көнен бәйрәм итте. Иң беренче эш итеп алар да зират өстенә өмәгә килде. Аннары авыл уртасында матур итеп сабантуй оештырдылар. Башлап йөрүчеләр Кадыров Равиль, Сәгьдиев Илдус, Гильмутдинов Халит, Аскарова Тәслимә, Шайхутдинова Фирданияләр булды.

Шулай ук бу көнне, инде авыл юкка чыкса да Җәмәки авылы халкы да үзләренең зиратларына җыелдылар. Кабер өсләрен чүп-чардан, агачлардан чистарттылар.

Каратал һәм Иске Казиле авылларында “Авыл көне” уздырганда, уеннарда катнашучыларга бүләкләр авыл халкы ярдәме белән алынды. Шулай ук читтән кайтучылар да буләкләр алып кайткан иде.

Биш авылга да зират өстенә өмәгә дип, “Авыл бәйрәме”нә дип бик куп авылдашлар, нигезләре бетсә дә авылны сагынып яшәүчеләр җыелган иде.

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ