Кама Тамагы муниципаль районы

Поселок, елгачылар, Нептун көне

2013 елның 11 июле, пәнҗешәмбе

Көннең эссе торуына карамастан, стадионга халык күп җыелган иде. Аларны бәйрәм белән котларга муниципаль район башлыгы урынбасары Рөстәм Гыйлметдинов килде.
- Сезнең поселок күптәннән кешеләрдә елга һәм нефть ташучы суднолар белән ассоциацияләнә. Затонда кемедер флотта яки ремонт базасында эшләмәгән бер генә гаилә дә юктыр. Сез зур эш башкарасыз – аталарыгыз һәм бабаларыгыз традициясен дәвам итәсез. Сез үз куллары белән производство объектлары төзегән, аларны оста файдаланган эшче сыйныф исемен намус белән йөртәсез. Сез зур хәреф белән язылган һөнәриләр – поселокта яшәүчеләр белән чын мәгънәсендә горурлана аласыз. Миңа сезне бәйрәм белән котлавы күңелле һәм поселокта яшәүчеләргә иминлек, зур уңышлар телим.
Хезмәттәшләрен бәйрәм белән Куйбышев исемендәге РБФ ЯАҖ директоры Наил Вазыйхов һәм “Башволготанкер” ААҖ вәкиллеге директоры Илдар Каюмов та тәбрикләде.
Сәхнәдә тамаша башланды. Столяров исемендәге клуб хезмәткәрләре район мәдәният йорты ярдәмендә Нептун бәйрәме әзерләгән. Бәйрәм концертында районның үзешчән артистлары катнашты.
Поселок советы да читтә калмаган. Шәһәр җирлеге башлыгы Елена Сороковнина бәйрәм үткәрүгә эшмәкәрләр һәм поселок активистларын тарткан. Теләгән кеше салкын куас һәм коймак белән кайнар чәйдән авыз итте. Кунакларны милли киемнәр кигән хатын-кызлар сыйлады. Татлы мамык һәм Затон күренешләре төшерелгән сувенирлар, өлкәннәр өчен шашлык һәм балалар өчен уенчыклар- һәркем күңеленә хуш килгән товарны сайлап алды.
Берүк вакытта стадионда волейбол һәм футбол ярышлары да үткәрелде. Гадәттәгечә Затон һәм Кама Тамагы командалары көч сынашты. Янәшәдә генә балалар өчен күпертелгән тау куелган иде.
Музыка сәгать өчкә кадәр яңгырады, затонлылар стадион артындагы агачлыкта ял итте. Кичен яшьләр өчен дискәтүк оештырылды, бәйрәм салют белән тәмамланды.

БАРЛЫК ЯҢАЛЫКЛАРНЫ УКУ