Безнең район «Татарстанның мәдәни башкаласы» конкурсы кысаларында мәдәни программа тәкъдим итәчәк
19 апрельдә Кама Тамагы районы «Татарстанның мәдәни башкаласы»конкурсы кысаларында мәдәни программа тәкъдим итәчәк.
Кунаклар өчен киң программа – күргәзмәләр, балалар һәм өлкәннәр өчен мастер-класслар, республиканың милли мәдәниятләре һәм традицияләре елына багышланган концерт әзерләнгән. Моннан тыш, чара кунаклары искиткеч Каратай халкы – мордваларның этнографик төркеме һәм Кама Тамагы районында сакланган һәм популяр булган милли сыйлар белән таныша алачак.
Кама Тамагы районы мәдәният көненең күргәзмә һәм интерактив программасы 19 апрельдә 14:00 сәгатьтән 17:00 сәгатькә кадәр Казан шәһәренең «Мәскәү» мәдәният үзәге холлында узачак. Концерт программасы 17: 00 сәгатьтә башланачак һәм 18:40 сәгатькә кадәр дәвам итәчәк.
Барлык теләүчеләр өчен керү бушлай.