Мәдәният йортында Укытучылар көне
Бүген Мәдәният йортында үз гомерләрен педагогикага һәм үсеп килүче буынны тәрбияләүгә багышлаган кешеләрне хөрмәтләделәр. Залда мәктәпләр, мәктәпкәчә учреждениеләр директорлары һәм укытучылары, мәгариф ветераннары җыелды.
Педагогларны һөнәри бәйрәмнәре белән котлап, район башлыгы Наил Альберт улы Вазыхов укытучы һөнәрен иң кирәклесе дип атады, ул профессионализм, тугрылык һәм балаларга чиксез мәхәббәт өчен рәхмәт белдерде һәм сәламәтлек, иҗади идеяләр һәм барлык башлангычларда уңышлар теләде. Мактау грамоталары, Рәхмәт хатлары белән мәгариф өлкәсенең иң яхшы вәкилләре бүләкләнде.
Педагоглар адресына бәйрәмдә шулай ук «Кама Тамагы муниципаль районы мәгариф идарәсе» МКУ начальнигы Гимадеева Елена Александровнадан рәхмәт сүзләре яңгырады.
Үзләренең иҗади бүләкләрен тамашачылар өчен мәгариф учреждениеләре педагоглары, укучылары һәм тәрбияләнүчеләре, шулай ук район мәдәният йорты артистлары әзерләгән.