ТР Дәүләт Советы депутатлары безнең районда булды

2023 елның 12 октябре, пәнҗешәмбе

11 октябрьдә эш сәфәре кысаларында Татарстан Республикасы Дәүләт Советы депутатлары Кама Тамагы муниципаль районында булдылар.

Депутатлар Олы Мереткозино авылындагы Туфан Миңнуллин мемориаль комплексында булдылар. Кунаклар экспонатлар, күпсанлы фотодокументлар, Туфан Миңнуллинның шәхси әйберләре белән таныштылар, аның белән бергә эшләү турындагы истәлекләре белән дә уртаклаштылар. Очрашуда шулай ук территорияне төзекләндерү һәм газлаштыру мәсьәләләре каралды.