Гражданнарның традицион хисап җыеннары башлана

2024 елның 17 гыйнвары, чәршәмбе

Районда гражданнарның традицион хисап җыеннары башланды. Алар районның һәр торак пунктында уза.

Кичә Иске Барыш һәм Иске Казиле авыл җирлекләрендә гражданнар җыеннары узды. Традиция буенча, җыен җирлек башлыкларының чыгышларыннан башланды, докладта 2023 елга эш нәтиҗәләре яңгырады.

Аннары докладлар белән район авыл хуҗалыгы идарәсе башлыгы, Гадәттән тыш хәлләр министрлыгы вәкиле чыгыш ясады.

Район башлыгы урынбасары Илнур Таһир улы Гыйниятов муниципаль район территориясендә максатчан программаларны гамәлгә ашыру һәм районның социаль-икътисади үсешенең төп юнәлешләре турында сөйләде һәм халыкның сорауларына җавап бирде.