"Дуслык сыйныфы серләре" республика конкурсы
Чүпрәле районында «Дуслык сыйныфы серләре»республика конкурсының зона этабы узды. Чара РФ Президенты Владимир Путин игълан иткән Гаилә елы кысаларында узды.
Конкурсның зона этабында Тәтеш, Апас, Буа, Кайбыч, Кама Тамагы һәм Чүпрәле районнарыннан 6 ата-аналар комитеты катнашты. Безнең районны Рудницкий урта гомуми белем бирү мәктәбенең ата-аналар комитеты тәкъдим итте.
Ата-аналар комитетлары 3 сынауда катнашкан:
- Визит карточкасы "Безнең күңелле дуслык сыйныфы!";
- "Дуслык сыйныфы серләре" күргәзмәсен яклау;
- "Бердәм тәрбия мохите: ата-аналар, балалар һәм тәрбия буенча киңәшче" иҗади проектын яклау.
Конкурс сынауларында иҗади идеяләр, артистлык, оригинальлек, бердәмлек бәяләнә. Конкурс нәтиҗәләре буенча Рудницкий мәктәбенең ата-аналар комитеты мактаулы 2 урынны яулый һәм конкурсның ярымфиналына үтә.
"Безнең мәктәп ел саен, 2017 елдан башлап, әлеге конкурсның муниципаль этабында 1 урынны алып тора һәм зона этабын узгач, республика этабында катнаша. Без бу чарада катнашырга бик яратабыз. Бу, чыннан да, җан өчен конкурс. Әти-әниләр дә анда бик теләп катнаша. Бездә бик көчле һәм тату команда бар. Бу-мәктәп администрациясе, тәрбия буенча директор киңәшчесе, укучылар, укытучылар, сыйныф җитәкчесе, педагог-оештыручы һәм, әлбәттә, хөрмәтле ата-аналарыбыз. Бу җиңү артында гаять зур хезмәт, көндәлек репетицияләр тора. Шуңа күрә үз балаларына ярдәм күрсәткән һәм үзләре дә бу конкурста катнашкан ваемсыз булмаган гаиләләргә зур рәхмәт әйтәсем килә. Команда бик лаеклы чыгыш ясады, катнашучылар 100% ка чыкты. Командабызга финанс яктан ярдәм иткән иганәчеләребезгә рәхмәт әйтәсем килә. Бу ҖЧҖ "Аксолит" Гипс компаниясе, «АР-Строй» ҖЧҖ һәм И.А. Гыйльфанов. сезгә сәламәтлек һәм барлык яхшылыклар телибез» - дип үз тәэсирләре белән уртаклаша мәктәп директоры Гелюс Илсуровна.