Кама Тамагы "Бердәм Россия" берләштерә автобус марафонының чираттагы ноктасы булачак
20 августта Кама Тамагы районы «Бердәм Россия«берләштерә» автобус марафонында катнашучыларны каршы алачак. Депутатлыкка кандидатлар белән очрашу район мәдәният йортында планлаштырылган. «Бердәм Россия» кандидатлары Татарстанның һәр районына халыкның идеяләре һәм тәкъдимнәре турында фикер алышу, үзләренең сайлау алды программасы турында сөйләү һәм биш еллык чорга эшнең өстенлекле юнәлешләрен билгеләү өчен киләләр.
Кама Тамагында узган очрашуда җиденче чакырылыш ТР Дәүләт Советына депутатлыкка кандидатлар катнашачак. Болар - «Әкият» Татар дәүләт курчак театрының сәнгать җитәкчесе Илгиз Зәйниев, Казан федераль университетының юридик факультетының конституцион һәм административ хокук кафедрасы мөдире Евгений Солтанов, «Газпром межрегионгаз Казан» АҖ генераль директоры, 45 нче бер мандатлы Апас сайлау округы буенча депутатлыкка кандидат Айдар Таһиров. Очрашуда шулай ук Кама Тамагы районы башлыгы Наил Вазыхов та катнашачак. Модератор булып «Яңа Гасыр» телерадиокомпаниясе генераль директоры, ТР Журналистлар берлеге рәисе, ТР Дәүләт Советы депутаты, Бердәм сайлау округы буенча җиденче чакырылыш ТР Дәүләт Советы депутатлыгына кандидат Илшат Әминов чыгыш ясаячак.
Исегезгә төшерәбез, 2024 елның 8 сентябрендә, бердәм тавыш бирү көнендә, Татарстанда җиденче чакырылыш республика Дәүләт Советына депутатлар сайлаулар узачак. Татарстан парламенты 5 елга сайлана һәм 100 депутаттан тора. 50 депутат бермандатлы сайлау округлары буенча, 50се сәяси партияләрдән кандидатлар исемлеге буенча сайлана.
Соңгы биш елда республикада зур эш башкарылды. Милли проектлар, республика һәм муниципаль программалар гамәлгә ашырыла. «Бердәм Россия» депутатлар корпусы эше нәтиҗәсендә барлык дәрәҗәдәге хакимият органнары арасында үзара хезмәттәшлек булдырылды. Һәм бу уйланылган проектларны вакытында һәм хәтта алданрак башкарырга мөмкинлек бирә. Бүгенге көнгә төп бурыч – Россия Президентының май Указында күрсәтелгән милли максатларга ирешүне дәвам итү, шулай ук «Бердәм Россия»халык программасын гамәлгә ашыруны дәвам итү.
Дата: 20 август. Чара 17.00 сәгатьтә башлана.
Адресы: Кама Тамагы, район мәдәният йорты, Карл Маркс ур., 4 й.