Белем көне
Матур укучылар, аларның әти - әниләре һәм педагоглары, меңләгән бәхетле күзләр, бик күп чәчәк бәйләмнәре-бүген районыбызда Белем көненә багышланган бәйрәм линейкалары әнә шулай үтте.
Әле яңа гына мәктәп тормышына чумарга тиешле беренче сыйныф укучылары һәм аларның өлкән иптәшләре, мәктәп кыңгыравын көтеп, тантаналы линейкада шатланып басып тордылар.
Район линейкалары РФ флагын күтәрү тантанасыннан башланды. Хакимият вәкилләре, мәктәп директорлары һәм ата-аналар укучыларны яңа уку елы башлану белән котладылар.
Кама Тамагы мәктәбендә педагогларны, укучыларны һәм аларның ата-аналарын район башлыгы, ТР Гражданнар оборонасы эшләре һәм гадәттән тыш хәлләр министры вазыйфаларын вакытлыча башкаручы, ТР Гражданнар оборонасы эшләре һәм гадәттән тыш хәлләр министры урынбасары, «мәгариф идарәсе» МКУ начальнигы һәм мәктәп директоры котлады.
Традиция буенча бәйрәм линейкасында беренче мәктәп кыңгыравы яңгырады, аны унберенче сыйныф укучысы Сабиров Айдар һәм беренче сыйныф укучысы Латыйпова Әмирә бирде.