Атналык планерка
Кама Тамагы районы Советының утырышлар залында киңәйтелгән киңәшмә узды, аны район башлыгы Вазыхов Наил Альберт улы алып барды. Анда район учреждениеләре, предприятиеләре һәм оешмалары җитәкчеләре, шәһәр һәм авыл җирлекләре башлыклары катнашты.
Түбәндәге мәсьәләләр каралды һәм фикер алышынды:
Районда федераль һәм республика программаларының гамәлгә ашырылуы турында Кама Тамагы муниципаль районы Башкарма комитеты җитәкчесе урынбасары Рөстәм Ревович Баржанов хәбәр итте.
«Кама Тамагы» РОСГОССТРАХ агентлык Үзәге эше нәтиҗәләре һәм тормыш һәм сәламәтлекне иминләштерү шартлары турында «Кама Тамагы»Росгосстрах агентлык үзәге җитәкчесе Заһретдинова Луиза Рәис кызы сөйләде.
«Сабантуй-2025» халык бәйрәмен үткәрү чорында куркынычсызлык чаралары турында Татарстан Республикасы Кама Тамагы муниципаль районының террорчылыкка каршы комиссиясе секретаре Россиев Дмитрий Михайлович сөйләде.