Кама Тамагы шәһәр тибындагы поселогында экологик акция
Кичә Кама Тамагы бистәсендә ярны чистарту буенча акция узды. Катнашучылар берничә сәгать эчендә Идел елгасы ярыннан 30 капчык чүп-чар җыйдылар, шулай ук дайверлар ярга металл һәм резина калдыклар чыгардылар.
Акциядә катнашучыларның барысын да аппетитлы карабодай боткасы һәм татлы компот белән сыйладылар.
Анда оештырылган төркемнәр - Алексей Леонов исемендәге Казан фәнни Су асты-тикшеренү отряды һәм Рус география җәмгыяте, җирле оешма хезмәткәрләре, укучылар һәм укытучылар, шулай ук гади Кама Тамагы кешеләре катнашты. Акциягә халык дуслары, гаиләләре, шул исәптән балалары белән килде.
Әйләнә — тирә мохитне кайгырту-калдыкларны эшкәртү буенча заманча комплекслар төзү, чүплекләрне бетерү һәм сулыкларны чистарту, урманнарны торгызу һәм атмосферага зарарлы матдәләр чыгаруны киметү. Ә тагын хайваннарның сирәк төрләрен саклау һәм экологик туризм өчен инфраструктураны үстерү — һәркем уникаль милли паркларда табигатькә зыян китермичә уңайлы ял итә алсын өчен. Бу бурычларны «экологик иминлек»милли проекты хәл итә.