Волейбол буенча район ярышлары

2026 елның 12 марты, пәнҗешәмбе

«Акчарлак» спорт комплексында оешма, учреждение һәм предприятие коллективларын берләштергән мавыктыргыч волейбол турниры тәмамланды.

Һәр команда югары осталык дәрәҗәсен генә түгел, бердәмлекне, җиңүгә омтылуны да күрсәтте.

Турнирның йомгаклау нәтиҗәләре түбәндәгечә бүленде::

Ирләр командалары арасында:
1. Идел-Кама ("Август-Кама Тамагы" ҖЧҖ);
2. Мәгариф;
3. Спорт мәктәбе.

Хатын-кызлар командалары арасында:
1. Мәгариф;
2. Идел-Кама ("Август-Кама Тамагы" ҖЧҖ);
3. Спорт мәктәбе.

Җиңүчеләрне бүләкләү тантанасында район башлыгы урынбасары Илнур Таһир улы Гыйниятов катнашты. Призлар, медальләр һәм грамоталар призлы командаларга тапшырылды.