Кама Тамагы муниципаль районы

Мәүлид бәйрәме

2014 елның 17 гыйнвары, җомга

Рабигуль әүвәл(Мәүлид) аеның 12 се ислам дөньясында зур тантана көне.Мөселманнарның зур бәйрәме.Бу көнне сөекле пәйгамбәребез Мөхәммәд(с.г.в.) дөньяга килгән. Пәйгамбәребезнең туган көнендә көръән уку,гыйбәдәт кылу,бу көннәрдә мәҗлесләр ясап,салаватлар әйтү,аның шәфәгатен өмет итү,фәкыйрь һәм ятимнәргә ярдәм күрсәтү саваплы эштер.

Шушы уңайдан 16 гыйнвар көнне Балчыклы авылы мәдәният йортында Мәүлид кичәсе үткәрелде.Бәйрәмгә яше-карты 50 дән артык кеше җыелган иде.Кичәне имам хатиб Мөнир Фәттах улы көръән укып башлап җибәде һәм үзенең котлау сүзләрен җиткерде.Мәдәният йорты җитәкчесе Суфия Җәләлиева Мәүлид бәйрәме тарихы белән таныштырып китте.Кичәбезгә районыбызның имам мөхтәсибе Галимулла хәзрәт чакырылган иде. Ул Пәйгамбәребез Мөхәммәд(с.г.в.)нең тормышы турында сөйләде,салаватлар әйтте,күңелләребезгә хуш килерлек вәгазьләр сөйләде.

Чыгышлар өлкәннәребезнең әйткән мөнәҗәтләре һәм салаватлары белән үрелеп барды.Мөршидә Галиева,Рушания Шакирова,Тәнзилә Валиуллина мөнәҗәтләрне матур итеп көйләп, бәйрәмгә җыелган халыкның күзләренә яшь килерлек итеп башкардылар.

Бәйрәм кичәсе чәй табыны артында дәвам итте.

Шушы мул чәй табынын оештырган иганәчебезгә,кичәне оештыруны башлап йөрүче авыл җирлеге башлыгы Сагдиев Радик Солтан улына һәм чәй табынын әзерләүче бюджет өлкәсендә эшләүчеләргә зур рәхмәтебезне белдерәбез.

Балчыклы авылы өлкәннәре исеменнән Мөршидә Гатауллина

БАРЛЫК ЯҢАЛЫКЛАРНЫ УКУ