Кече Бортас авылында юбилей

Юсупова Шаһидә Шиһабетдин кызы 13 апрельдә 90 яшьлек июбилеен билгеләп үтте. Бу хөрмәткә аның янына Башкарма комитет җитәкчесе Павел Лоханов,  Башкарма комитет җитәкчесенең социаль сораулар буенча урынбасары Шаймурзин Ильдан һәм Олы Бортас авылы җирлеге башлыгы Радик Сәгъдиев килеп җылы котлау сүзләре әйттеләр.
 Шаһидә Шиһабетдин кызы Олы Кариле авылында туа. 8 сыйныф уку тәмамлагач клубка җитәкче булып урнаша. Сугыш башланганда аңа 16 яшь була. Сугыш вакытының кыенлыклары аны читләтеп үтмиләр. Ул урман кисәргә, әтисе белән окоплар казырга бара.
1945 елда фронттан кайткан Дәүләтша Хәбибулла улы белән гаилә төзиләр. Ике бала үстерәләр. Сугыш ветераны Юсупов Дәүләтша 1990 елда дөньядан китә. Шаһидә апа озак еллар буе Кече Бортас авылында сатучы булып эшли. Бүгенге көндә Шаһидә апа үз аякларында, кызы карамагы астында яши.