15 февральдә Совет гаскәрләренең Әфганстан республикасыннан чыгарылуына 28 ел тула. Истәлекле дата якынлашканда 11 февральдә Иске Казиле авылы клубында чыгарылыш сыйныф укучыларының сугышчы-интернационалчылар белән очрашуы булып узды. Чарада сугышчы-интернационалчыларның гаиләләре, арабыздан киткән солдатларның әти-әниләре катнашты. Мәдәният йорты хезмәткәрләре Әфганстандагы сугышчан гамәлләргә багышланган “Әфганстан – йөрәк ярам” дип аталган әдәби-шигъри композиция әзерләгәннәр иде.