2019 елның 12 июлендә Кама Тамагы районында «Кама икмәк кабул итү предприятиесе» ҖЧҖ әзерлеген кабул итү узды
Икмәк кабул итү предприятиеләренә һәм элеваторларга 2019 елгы уңыш ашлыгын уңышлы әзерләү өчен практик ярдәм күрсәтү максатларында, 12 июльдә Татарстан Республикасы Авыл хуҗалыгы һәм азык-төлек министрлыгы боерыгы нигезендә «Кама икмәк кабул итү предприятиесе»җаваплылыгы чикләнгән җәмгыятенең әзерлеген кабул итү булды.
Татарстан Республикасы Авыл хуҗалыгы һәм азык - төлек министрлыгы вәкиле-комиссия рәисе НикитинА.В., «Ашлык сыйфатын бәяләү үзәге» ФДБУнең Казан шәһәрендәге филиалы вәкиле ВасильеваО.А., «Татарстан төбәкара ветеринария лабораториясе» ФДБУ вәкиле ХөснетдиновА.З., Татарстан Республикасы Авыл хуҗалыгы һәм азык-төлек министрлыгының Кама Тамагы муниципаль районындагы авыл хуҗалыгы һәм азык-төлек идарәсе башлыгы ВәлиевИ.И., идарәнең ПМО консультанты ИсмәгыйлевИ.М. катнашындагы комиссия предприятиенең техник хәлен яхшырту эше белән танышты.
Ашлыкның сыйфатлы сакланышын тәэмин итүгә, предприятиенең лаборатория базасының әзерлегенә, барлык кирәкле норматив документларга ия булуына, шулай ук ашлык саклау урыннарының торышына һәм предприятиедә зарарсызландыручы профилактик чараларның нәтиҗәлелегенә аерым игътибар бирелде. Тикшерү барышында шулай ук төп корылмаларның һәм җиһазларның: ашлык киптерү, автомобиль, механик пробоотборникларның үлчәүләре, ашлыкны актив вентилизацияләү җайланмалары һәм төзеклеге тикшерелде. Комиссия шулай ук янгынга каршы чаралар, хезмәтне саклау һәм сәнәгать куркынычсызлыгы әзерлегенә дә инанды.
Шуны да билгеләп үтәргә кирәк, матди-техник базаны кабул итү ел саен Казан шәһәрендә продукциянең куркынычсызлыгын һәм сыйфатын билгеләү буенча Сынау лабораториясе бүлегенең «Ашлык сыйфатын бәяләү үзәге» ФДБУ белгечләрен мәҗбүри рәвештә җәлеп итеп үткәрелә.
Икмәк кабул итү предприятиеләренең һәм элеваторларның матди-техник базасын кабул итү буенча эш нәтиҗәләре буенча комиссия «Кама икмәк кабул итү предприятиесе» җаваплылыгы чикләнгән җәмгыятенең уңыш кабул итүгә әзерлеге турында хәбәр итте. Предприятиенең куәте-16 мең тонна, бүгенге көндә предприятие 25 мең тоннага кадәр ашлык кабул итәргә әзер.