«Мәхәббәт белән җылытылган гаилә һәрвакыт ныклы», Кама Тамагы «Богородский рай» халыкка комплекслы социаль хезмәт күрсәтү үзәге
2019 елның 12 июлендә Татарстан Республикасы Хезмәт, халыкны эш белән тәэмин итү һәм социаль яклау министрлыгының Кама Тамагы муниципаль районындагы «Богородский рай» халыкка комплекслы социаль хезмәт күрсәтү үзәгенең гаиләгә һәм балаларга социаль ярдәм күрсәтү бүлекчәсе социаль педагоглары Куйбышев исемендәге Затон шәһәр тибындагы поселогында «Мәхәббәт белән җылытылган, һәрвакыт ныклы гаилә»күчмә чара үткәрделәр.
Чараның максаты-балаларның һәм өлкәннәрнең иҗади үсеше өчен оптималь шартлар тудыру, гаиләдә әхлакый тәрбия формалаштыру, ата-аналарны һәм балаларны берләштерү.
Иң элек «Беләзек – ромашка» ясау буенча мастер-класс күрсәтелде. Шулай ук күп төрле конкурслар үткәрелде, мәсәлән: танышу, мине аңла, чәчәк-табышмак, уен-ромашка, торцевание техникасында кул эшләре башкарылды. Балалар бу эшләнмәләр әзерләгәндә эш белән бик мавыгып китте, ә әти-әниләр аларга шатлык белән ярдәм иттеләр.
Чара ахырында истәлеккә дип бергәләшеп фотога төштеләр.
Мәкалә авторы: Аида Идрисова
Фото: Гөлназ Хөснетдинова