Пчелина Наталья Михайловнаның 90 яшьлек юбилее
2019 елның 20 сентябрендә муниципаль район башлыгы урынбасары Газинур Әүхәт улы Габидуллин, Татарстан Республикасы Кама Тамагы муниципаль районы Кама Тамагы штп муниципаль берәмлеге башлыгы Владимир Павел улы Сороковнин һәм Кама Тамагы муниципаль районы башкарма комитеты җитәкчесенең социаль мәсьәләләр буенча урынбасары Елена Владимир кызы Сороковнина Пчелина Наталья Михаил кызыны 90 яшьлек юбилее белән котладылар.
Наталья Михаил кызына РФ Президенты В.В. Путиннан котлау сүзләре, истәлекле бүләкләр һәм чәчәкләр тапшырылды.
Наталья Михаил кызы 1929 елның 20 сентябрендә Кама Тамагында елгачылар гаиләсендә туа (элек Богородское авылы). Әтисе боцман хезмәтендә елгада һәлак була, әнисе елга вокзалында буфетта сатучы булып эшли.
Наталья Михаил кызы 7 нче сыйныфны тәмамлаганнан соң хезмәт юлын район башкарма комитетында машинист булып башлый, аннан райкомга машинистка итеп күчерелә.
1946 елның 7 февралендә Сугыш вакытында Кызыл Йолдыз ордены белән бүләкләнгән сугыш инвалиды Алексей Михаил улына кияүгә чыга.
Наталья Михаил кызы һәм Алексей Михаил улы өч бала тәрбияләп үстерәләр. 28 ел хастаханәдә санитарка булып эшләп, лаеклы ялга чыга.
Пенсиягә чыккач, Наталья Михаил кызы озак вакытлар сугыш яраларыннан интеккән ирен тәрбияли. 1993 елда иренең вафатыннан соң ул балалары һәм оныклары белән яши.
Наталья Михаил кызы «Хезмәт ветераны», «Тыл хезмәтчәннәренә сугыш елларында фидакарь хезмәте өчен» медальләре һәм башка юбилей медальләре белән бүләкләнгән.
Хәзерге вакытта улы һәм килене белән Кама Тамагы шәһәр тибындагы поселокта яши.
Бүгенге көндә Наталья Михаил кызының 1 улы, 7 оныгы һәм 9 оныкчыгы бар.