«Татарстан буенча сәяхәт» Сөйки авыл китапханәсендә танып-белү-интеллектуаль уен

2020 елның 29 гыйнвары, чәршәмбе

   ТАССР төзелүнең 100 еллыгын бәйрәм итүгә әзерлек һәм аны уздыру чараларын гамәлгә ашыру кысаларында Сөйки авыл китапханәсендә «Татарстан буйлап сәяхәт» танып-белү-интеллектуаль уены үткәрелде. Чарага Сөйки урта мәктәбенең 4-6 сыйныф укучылары чакырылган иде.      

   Балалар республикабызның тарихи урыннары буйлап виртуаль экскурсия ясадылар. Бәйрәм тарихы, Казан шәһәре тарихының төп символлары, кызыклы фактлары, республикабыз территориясендә яшәүче халыкларның истәлекле урыннары һәм гореф-гадәтләре белән таныштылар. Шулай ук балалар актив рәвештә викторина сорауларына җавап бирделәр. Чара барышында кызыклы уеннан балалар яңа белемнәр һәм яхшы кәеф алдылар.