Кама Тамагында тренер Хәйруллин Р. Ф. истәлегенә багышланган волейбол буенча Турнир узды

2020 елның 16 марты, дүшәмбе

2020 елда Хәйруллин Р.Ф. истәлегенә багышланган волейбол буенча ел саен үткәрелә торган Турнир сигезенче тапкыр үткәрелде.

Турнирда бу юлы 9 ир-ат командасы катнашты.

Призлы урыннар түбәндәгечә бүленде:

1 урын - «МЧС» командасы;

2 урын - «Факел» командасы (Олы Кармалы);

3 урын - «Молодежка» командасы.

Турнирны оештыручылар һәр елны турнирга ярдәм итүче Шиһапов Илһам Әсхәт улына, Гращенкова Татьяна Николаевнага, Зиннәтуллин Радик Рамил улына, Кадыйров Салаватка, шулай ук Хәйруллина Алсу Фидаил кызына-Роберт Хәйруллинның тормыш иптәшесенә рәхмәт белдерәләр.