Ана капиталы. Яңа мөмкинлекләр һәм күләме 2020 елдан
Ана капиталы программасы биш елга – 2026 ел ахырына кадәр озайтылды. Бу вакытка кадәр, 2020 елдан башлап, яңа туган яки тәрбиягә бала алган барлык гаиләләр ана капиталы рәвешендә дәүләт ярдәме чараларына хокук алачак.
Ана капиталы күләме:
2007 елдан 2019 елга кадәр ике һәм аннан да күбрәк бала туган һәм уллыкка алынган гаиләләр өчен - 466 617 сум.
2020 елда икенче бала туган/уллыкка алынган гаиләләр өчен - 616 617 сум. 2020 елның 1 гыйнварыннан башлап беренче балалары туган яки уллыкка алынган гаиләләр 466 617 сум күләмендә ана капиталына хокук алдылар.
2020 елдан икенче бала туган гаиләләр өчен ана капиталы өстәмә рәвештә 150 мең сумга арта һәм, шул рәвешле, 616 617 сум тәшкил итә.
Бу акчаларны кая җибәрергә була
– торак шартларын яхшырту;
- балалар белеме;
– айлык түләүләр алу;
– инвалид балаларны социаль адаптацияләү;
- тупланма пенсия.
Ана капиталы нинди срокта рәсмиләштерелә
2021 елның 1 гыйнварыннан сертификат бирү 5 эш көне эчендә башкарылачак. Акча белән эш итү турындагы гаризаны карау - 10 эш көненә кадәр.
Ана капиталы сертификатын актив рәсмиләштерү.
Гаиләләр ана капиталын тизрәк алсын өчен, аны рәсмиләштерүгә күп көч түкмәсен өчен, апрель уртасыннан Пенсия фонды МСК сертификатларын актив рәвештә бирү эшенә керешә. Димәк, бала тугач, Ана капиталы автомат рәвештә рәсмиләштереләчәк һәм гаилә, сертификат артыннан мөрәҗәгать итмичә, акча белән эш итә алачак. Моның өчен Пенсия фонды мөстәкыйль эшли.
Ана капиталына хокук бирүче бала туу турында мәгълүмат Пенсия фондына Граждан хәле актлары язмаларының дәүләт реестрыннан киләчәк. Хәзерге вакытта Фонд бүлекләре ЗАГС реестры белешмәләре буенча сертификат рәсмиләштерүне тикшерәләр һәм моның өчен кирәкле мәгълүматны ата-аналар һәм Балалар турында билгелиләр.
Сертификат алу турындагы мәгълүматлар Пенсия фондының мәгълүмат системасында теркәлә һәм РПФ сайтында яки дәүләт хезмәтләре порталында әнинең шәхси кабинетына җибәрелә. Тәрбиягә бала алган гаиләләр өчен сертификатны рәсмиләштерүнең элеккеге гариза тәртибе саклана, чөнки ана капиталын алу өчен кирәкле булган уллыкка алу турындагы мәгълүматларны тәрбиягә бала алган ата-аналар үзләре генә тапшыра ала.