Балигъ булмаганнар эшләре һәм аларның хокукларын яклау буенча муниципаль комиссиянең киңәйтелгән утырышы
Кичә балигъ булмаганнар эшләре һәм аларның хокукларын яклау буенча муниципаль комиссиянең киңәйтелгән утырышы узды, анда Кама Тамагы муниципаль районы башлыгы Вазыйхов Наил Альберт улы катнашты.
Комиссиядә катнашучылар арасында район мәктәпләренең директорлары, тәрбия эшләре буенча урынбасарлары һәм тарих укытучылары, район ветераннар Советы Рәисе (пенсионерлар), район Әтиләр Советы Рәисе, «яшьармия» рәисе, район музее вәкилләре, Бала хокуклары буенча вәкаләтле вәкилнең җәмәгать ярдәмчесе, районның ата-аналар комитеты вәкиле дә бар иде.
Район мәгариф учреждениеләре уздыра торган чараларның нәтиҗәлелеге, аерым категориядәге гаиләләрдә балалар тәрбияләү, үсеп килүче буынга патриотик тәрбия бирүнең яңа формалары һәм ысуллары турында темалар күтәрелде.
Киңәшмә барышында түбәндәге сораулар каралды:
1. Балигъ булмаганнарның хокук бозуларын профилактикалау буенча Эчке эшләр территориаль органының эше турында.
2. Район мәгариф учреждениеләрендә укучылар белән профилактик эш оештыру һәм үткәрү турында.
3. Профилактик учетта торучы гаиләләр белән эшләү турында.
4. Өстәмә белем бирү өлкәсендә балаларның мәшгульлеге турында.
5. Балигъ булмаганнарга хокук бозуларны профилактикалау һәм гражданлык-патриотик тәрбия бирү буенча район яшьләр бүлеге тарафыннан үткәрелә торган чаралар турында.
6. Хәрби-патриотик клуб төзү турында. Армиягә чакырылучы яшьләр белән хәрби-патриотик эш клубы җитәкчесен билгеләү.