МР Башлыгының укытучылар көне белән котлавы
Хөрмәтле укытучылар, мәктәпкәчә һәм өстәмә белем бирү педагоглары, педагогик хезмәт ветераннары!
Халыкара укытучылар көне уңаеннан иң ихлас котлауларны кабул итегез! Сез үз тормышыгызны игелекле һәм авыр эшкә багышладыгыз: үсеп килүче буынны укыту һәм тәрбияләү. Укытучының хезмәте һәрвакытта да бәяләнде, ул кешедән һәрчак аерым сыйфатлар таләп итә иде.
Балага җаваплылык, куелган максатларга ирешергә омтылу, мөстәкыйль карарлар кабул итү җиңел эш түгел. Сезгә һөнәри бурычка тугрылык, үз-үзеңне корбан итү һәм балаларга җан җылысы биргәнегез өчен зур рәхмәт.
Кадерле укытучылар! Сез иң ихлас котлауларга һәм теләкләргә лаек. Авыр эшегез шатлык кына китерсен, укучыларыгыз Ватаныбызның лаеклы гражданнары булсын. Сезгә нык сәламәтлек, гаилә иминлеге, иҗади илһам телим!
Кама Тамагы Башлыгы
муниципаль район башлыгы Н.А.Вазыйхов