Әтиләр көнен футбол кырында билгеләп үттеләр

2022 елның 16 октябре, якшәмбе

Кама Тамагында Әтиләр көнен футбол кырында билгеләп үттеләр. Бүген "Акчарлак" спорт комплексында 2012-13 елгы спорт мәктәпләрендә тәрбияләнүчеләр арасында әтиләр көненә багышланган Футбол буенча районара турнир узды.

Анда Буа, Апас һәм Кама Тамагы яшь футболчылары катнашты. Барлык егетләр дә тырышты, берәү дә бирешергә теләмәде. Уеннарның нәтиҗәләре бер-ике башка бәйле иде.

Нәтиҗәдә, Буа кунаклары җиңүче булды, икенче урынны Апас командасы алды, өченче урынны Кама Тамагыннан 2013 елгы футболчылар алды.

Балалар өчен аларның туганнары һәм дуслары җан атарга килде. Ә әтиләр өчен иң яхшы бүләк аларның улларының уңышлары булды!