Бөтенроссия балаларга хокукый ярдәм көне
18 ноябрьдә Бөтенроссия балаларга хокукый ярдәм көне кысаларында «Столярова» мәдәният йортында өлкән сыйныф укучылары өчен балигъ булмаган балаларның хокукларын һәм законлы мәнфәгатьләрен яклау мәсьәләләре буенча семинар узды.
Кереш сүз Кама Тамагы муниципаль районында Бала хокуклары буенча вәкаләтле вәкилнең җәмәгать ярдәмчесе булды. Ул Бөтенроссия балаларга хокукый ярдәм көне килеп чыгышы турында сөйләде.
Россия Эчке эшләр министрлыгының «Югары Ослан» муниципальара бүлеге «Кама Тамагы» полиция бүлегенең балигъ булмаганнар белән эшләү бүлеге инспекторы Галимова Нурзель Марат кызы закон бозган очракта балигъ булмаганнарның җаваплылыгы турында сөйләде.
Нотариус Әхмәтҗанова Тәскирә Рәшид кызы «балалар милке белән килешүләр ясаганда нотариуслар компетенциясе»темасына чыгыш ясады.
Чарада шулай ук дәүләт хакимияте органнары вәкилләре: Шәрәфиева Гүзәлия Рәшит кызы – Кама Тамагы район суд приставлары бүлеге өлкән суд приставы, Худяшова Татьяна Роман кызы-Татарстан Республикасы буенча Россия ҖҮФХИ ФКУ УИИ Кама Тамагы муниципальара бүлеге өлкән инспекторы, Миңнуллин Илнур Габделхак улы – адвокат, Айсина Алия Ринат кызы-Татарстан Республикасы буенча Россия ҖҮФХИ опека һәм попечительлек, Россиев Дмитрий Михайлович – район башлыгының коррупция мәсьәләләре буенча ярдәмчесе.
Очрашу бик кызыклы һәм җанлы булды. Чара барышында укучылар үзләрен кызыксындырган сорауларны бирделәр, аларга квалификацияле белгечләргә җаваплар бирелде.