Хәрби хезмәт нигезләре буенча җыемнар

2024 елның 12 апреле, җомга

Унынчы сыйныф укучылары хәрби әзерлек буенча биш көнлек җыеннарда.

2024 елның 1 апреленнән «Патриот» республика спорт-патриотик һәм хәрби хезмәткә чакырылуга кадәрге яшьләрне әзерләү үзәге базасында «Тормыш иминлеге нигезләре» уку предметы кысаларында «Авангард»хәрби хезмәт нигезләре буенча биш көнлек республика җыеннары старт алды.

Кама Тамагы муниципаль районының унынчы сыйныф укучылары 8-12 апрельдә хәрби әзерлек нигезләрен үзләштерәләр. Җыеннар вакытында балалар Калашников автоматларын җыярга һәм сүтәргә өйрәнәләр, саф һәм физик әзерлек, радио һәм химик саклану турында беләләр.

Исегезгә төшерәбез, хәрби хезмәт нигезләре буенча җыемнар Мәгариф федераль проектының социаль активлык патриотик юнәлешне үстерү кысаларында гамәлгә ашырыла.