Гайфуллина Рәшидә Кадыйр кызы 90 яшьлек юбилеен билгеләп үтә

2024 елның 10 ноябре, якшәмбе

Гайфуллина Рәшидә Кадыйр кызын юбилее белән Кама Тамагы муниципаль районы Башкарма комитеты җитәкчесе Заһидуллин Ринат Марат улы котлады

Гайфуллина Рәшидә Кадыйр кызы 1934 елның 10 ноябрендә Олы Салтык авылында дөньяга килә. Олы Салтык сигезьеллык мәктәбендә 4 класс белем ала. Гаиләдә 4 бала үсәләр. Кечкенәдән кул арасына кереп, төрле эштә эшли башлый, үсә төшкәч урман кисү эшендә дә катнаша.

1960 нчы елда Ислам абый белән гаилә кора. 2 бала үстерәләр. Балалар кечкенә вакытта колхозда бригада эшендә эшли, ә соңрак фермада яшь бозаулар үстерүдә пенсия яшенә кадәр хезмәт куя. Эшләгән дәвердә күп кенә мактау грамоталары белән бүләкләнә. Хәзерге вакытта кызы Розалия тәрбиясендә яши.