Атналык планерка
Кама Тамагы районы хакимиятендә эш атнасы район башлыгы тарафыннан оешма-предприятиеләр җитәкчеләре, шәһәр һәм авыл җирлекләре башлыклары катнашында атналык планеркадан башланды, анда агымдагы мәсьәләләр буенча фикер алышынды, узган атнага йомгак ясалды.
Район территориясендәге янгыннар турында Кама Тамагы һәм Тәтеш муниципаль районнары буенча күзәтчелек эшчәнлеге һәм ПР районара бүлегенең өлкән инспекторы Горбунов Роман Михайлович сөйләде.
Халыкара коррупциягә каршы көрәш көненә багышланган чаралар турында Кама Тамагы муниципаль районы башлыгының коррупциягә каршы көрәш мәсьәләләре буенча ярдәмчесе Россиев Дмитрий Михайлович сөйләде.
Предприятиеләр, оешмалар һәм учреждениеләр арасында район спартакиадасының барышы турында муниципаль район Башкарма комитетының спорт эшләре, яшьләр сәясәте һәм профилактика бүлеге начальнигы Хөснетдинов Илназ Хәлим улы сөйләде.