"Ак чәчәк" акциясе

2024 елның 3 декабре, сишәмбе

Бүген Мәдәният йортында «Ак чәчәк»акциясе узды. Теләгән һәркем иганә итә һәм алмашка Ак чәчәк – акция символы ала ала иде. Җыелган акчалар Сөйки авылындагы гаиләгә ярдәмгә китәчәк.

Чарада Башкарма комитет җитәкчесе Заһидуллин Ринат Марат улы катнашты, барысын да бәйрәм белән котлады, концертта катнашучыларга тынычлык, игелек һәм бәхет теләде.

Артистлар киң күңеллелек белән үз талантларын бүләк иттеләр, ә тамашачылар аларга алкышлар белән җавап бирделәр. Фойеда теләсә нинди зәвыкка сувенирлар һәм кул эшләре тәкъдим ителде, күпләр мастер-классларда катнашты.