"Хезмәт өчен түләүнең минималь күләме турында" Федераль законның 1 статьясына үзгәреш кертү
"Хезмәт өчен түләүнең минималь күләме турында" Федераль законның 1 статьясына үзгәреш кертү хакында» 2024 елның 29 октябрендәге 365-Ф3 номерлы Федераль закон нигезендә 2025 елның 1 гыйнварыннан Россия Федерациясе территориясендә хезмәт өчен түләүнең минималь күләме (алга таба - МРОТ) аена 22 440 сум тәшкил итәчәк.
Россия Федерациясе Хезмәт Кодексының 129, 133 статьялары нигезендә шушы чорда эш вакыты нормасын тулысынча эшләп бетергән һәм хезмәт нормаларын (хезмәт бурычларын) үтәгән хезмәткәргә исәпләнгән айлык хезмәт хакы минималь хезмәт хакының билгеләнгән күләменнән түбәнрәк була алмый.
Шуңа бәйле рәвештә тиешле бюджетлар акчалары исәбеннән финанслана торган дәүләт һәм муниципаль оешмаларның хезмәткәрләренә, әгәр эш вакытының айлык нормасын тулысынча эшләп бетергән һәм хезмәт нормаларын (хезмәт бурычларын) үтәгән очракта, айлык хезмәт хакы дәрәҗәсе билгеләнгән минималь хезмәт хакы күләменә (аена 22 440 сум) җитмәсә, аны күрсәтелгән күләмгә җиткерүне тәэмин итәргә кирәк.
Хезмәткәрләрнең хезмәт хакын билгеләнгән минималь хезмәт хакыннан түбән булмаган дәрәҗәгә җиткерү түбәндәге түләүләрне исәпкә алмыйча гамәлгә ашырыла::
- махсус шартларда эшләгән өчен (Россия Федерациясе Хезмәт кодексының 146, 147 статьялары);
- эштән тыш вакытта (Россия Федерациясе Хезмәт кодексының 152 статьясы), ял көннәрендә һәм эшләми торган бәйрәм көннәрендә (Россия Федерациясе Хезмәт кодексының 153 статьясы), төнге вакытта (Россия Федерациясе Хезмәт Кодексының 154 статьясы)эшләгән өчен;
- Татарстан Республикасы Министрлар Кабинеты карарлары һәм бюджет өлкәсе оешмалары хезмәткәрләренең хезмәтенә түләү системасын регламентлаучы муниципаль хокукый актлар нигезендә премия түләүләренә каралган хезмәткә түләү фонды чикләрендә билгеләнә торган премия түләүләре.
Бу чакта МРОТ тиешле бюджет акчалары, мәҗбүри медицина иминияте акчалары, шулай ук максатчан билгеләнеше булмаган, эшкуарлык һәм керем китерә торган башка эшчәнлектән алынган акчаларны да кертеп, бюджеттан тыш акчалар исәбеннән тәэмин ителә.