Район Башлыгының Көнкүреш һәм торак-коммуналь хуҗалык хезмәткәрләре көне белән котлавы
Хөрмәтле торак-коммуналь хуҗалык, сәүдә, көнкүреш хезмәте күрсәтү хезмәткәрләре һәм ветераннары!
Һөнәри бәйрәмегез белән иң җылы һәм ихлас котлауларны кабул итегез!
Бу мөһим тармакларда эшләүчеләрнең эшчәнлеге безнең һәрберебезгә турыдан-туры кагыла. Хәзерге заман кешесенең тормышын сәүдә, сыйфатлы көнкүреш хезмәте күрсәтү, ышанычлы эшләүче торак-коммуналь комплексыннан башка күз алдына китереп булмый. Кама Тамагы халкының тормыш сыйфаты, сәламәтлеге һәм кәефе сезнең оешканлыгыгызга, профессиональлегегезгә һәм ярдәмчел булуыгызга бәйле. Су, җылылык, электр энергиясе белән өзлексез тәэмин итү, төзекләндерелгән урамнар, парклар һәм скверлар, кибетләрнең, чәчтарашханәләрнең, ремонт остаханәләренең тотрыклы эшләве – болар барысы да халыкның тормыш шартларының сыйфатын билгели.
Бүген сезнең тырышлык белән яңа технологияләр актив кертелә, эшнең заманча принциплары үзләштерелә, хезмәт күрсәтү культурасы яхшыра, бу безнең район үсешенең яңа перспективаларын ача.
Чын күңелдән сезгә бәхет, нык сәламәтлек, эшегездә яңа уңышлар һәм казанышлар телим!
Кама Тамагы муниципаль районы башлыгы Н.А.Вазыхов