Ногманов Вазыйх Җиһанш улына 98 яшь
Бүген Ногманов Вазыйх Җиһанш улын 98 яшьлек юбилее белән район башлыгы урынбасары Гыйниятов Илнур Таһир улы һәм Кленчеевка авыл җирлеге башлыгы Кадыйров Дамир Габделхәй улы котладылар.
Вазыйх Җиһанш улы 1927 елның 20 мартында Татарстан Республикасының Кама Тамагы районы Клянчеево авылында туа. Әнисе-Фәрхиҗамал, әтисе Җиһанша. 4 сыйныфны тәмамлагач, колхозда эшли башлый. Ул анда 1944 елның октябренә кадәр эшли. Көз көне аны армиягә алалар.
1944 елның 3 декабрендә 17 яшендә фронтка китә. Беренче фронт юлын Белоруссиядә 253 нче укчы полктан башлый. Гроднода 1 ел һәм 6 ай булган. 1945 елның февралендә Брестны фашистлардан азат итүдә катнаша.
1950 елда туган якларына әйләнеп кайта һәм үзенең икенче яртысын очрата, тиздән аңа өйләнә дә. Мәрьям Салиховна белән бергә өч кыз һәм бер малай үстерәләр.
Кырчылыкта бригадир, бер ел ферма мөдире, бераз вакыт тракторларда учетчик булып эшли һәм 1987 елда, 60 яшендә, лаеклы ялга чыга.
2007 елда Вазыйх Җиһаншовичның хатыны вафат була, һәм ул үз йортында, кече улының гаиләсе һәм оныклары белән яши, бүгенге көнгә кадәр шунда кайгыртучанлыкта яши.
"Халык күргәзмәсе" Дипломы, Мактау грамоталары, ВДНХ дипломнары, Октябрь Революциясе ордены, «Германияне җиңгән өчен» медале, юбилей медальләре белән бүләкләнгән.