Атналык планерка

2025 елның 5 мае, дүшәмбе

Кама Тамагы районы хакимиятендә эш атнасы район башлыгы Наил Альберт улы Вазыхов үткәргән атналык планеркадан башланды.

Киңәшмә учреждение, предприятие һәм оешма җитәкчеләре, шәһәр һәм авыл җирлекләре башлыклары белән узды.

Түбәндәге мәсьәләләр каралды һәм фикер алышынды:

Кама Тамагы муниципаль районы Башкарма комитетының мәдәният бүлеге җитәкчесе Нуриева Резеда Нуртдин кызы Бөек Ватан сугышында Җиңүнең 80 еллыгына багышланган чаралар программасы турында сөйләде.

13.05.2025 елдан 15.05.2025 елга кадәрге чорда алдан тавыш бирүне (праймериз) уздыруга әзерлек барышы турында «Бердәм Россия»Бөтенроссия сәяси партиясенең башкарма секретаре Миңнегалиева Алинә Хәниф кызы хәбәр итте.