"Тарих бер чемоданда" дип исемләнгән музей дәресе

   Республика территориясендә уңышлы тормышка ашырыла торган "Беренче сыйныф укучысының мәдәни көндәлеге" проектының максаты  - үсеп килә торган буынны рухи яктан үстерү.  

   3 февральдә Кама Тамагы районы туган якны өйрәнү музеенда Нина Бубнова җитәкчелегендәге Кама Тамагы урта мәктәбенең 1 "Б" сыйныф укучылары өчен  "Тарих бер чемоданда" дип исемләнгән музей дәресе оештырылды. Әлеге чарада балалар татар милли киемнәре, әлеге борынгы халыкның мәдәнияте турында мәгълүмат алды.  Хатын-кызлар һәм ир-атларның татар костюмнарының нечкәлекләре турында  зур кызыксыну белән тыңладылар, калфак, түбәтәй, чабаталарның төрләре белән таныштылар. Киемнәр турындагы табышмакларга рәхәтләнеп җавап бирделәр. Әлеге экскурсиядән балалар бик күп уңайлы тәэсирләр алды.