ЯҢАЛЫКЛАР

14 сентябрь көнне Кама Тамагы урта мәктәбендә 4б сыйныф укучылары өчен (укытучысы Хәбибуллина Н.С.) "Бердәм мәдәният дәресе " кысаларында «Татарстанның тарихи урыннары буйлап виртуаль сәяхәт»дигән библиографик дәрес үткәрелде.

"Яхшы эшләр эшләргә ашыгыгыз!" шундый девиз астында район балалар китапханәсендә Кама Тамагы муниципаль районының 1 нче  "Радуга " балалар бакчасының мәктәпкә әзерлек төркеме балалары өчен әдәби укулар узды (тәрбияче: Е. А. Сычева).  Балаларны бөек рус язучысы биографиясе, аның хикәяләре, әкиятләре, мәсәлләре белән таныштырдылар. Китапханәчеләр балаларда китап һәм аның геройларына карата кызыксыну уятырга тырышты. Мәктәпкәчә яшьтәге балалар әсәрләрдә яхшы, файдалы дәресләр алырга мөмкин дигән нәтиҗәгә килделәр.

2018 елның 14 сентябрендә, экологик чаралар һәм урман утырту көне кысаларында, Кама Тамагы районы җирле үзидарә органнары хезмәткәрләре һәм Кама Тамагы татар урта мәктәбе укучылары  Юрьев мәгарәсе янындагы туристик тукталыш урынын җыештырдылар . 1,5 тоннага якын чүп чыгарылды.

Ата-аналары  билгесез булган балалар өчен социаль пенсия.

Тиешле Федераль закон 2017 елның июлендә кабул ителде һәм агымдагы елның беренче гыйнварыннан үз көченә керде. Моның сәбәбе-уку йортлары тәмамлаганнан соң шундый социаль статуслы балаларның башка балалар белән тигез булмаган матди хәлгә китерелүе: әйтик, туендыручысын югалту очрагы буенча пенсия ала алырлык ятимнәр белән. Юридик яктан аларның бер генә ата-анасы да юк иде, шуңа күрә аларга түләү хокукы да билгеләнмәгән.

Районда 7 сентябрьдә бөртекле һәм кузаклы культуралар җыю төгәлләнде. 16478 га мәйданда 36253 тонна ашлык җыелган, уртача уңыш-22 ц / га. Беренчеләрдән булып урып-җыюны «Нармонка» Агрофирмасының 1 нче филиалы аграрийлары төгәлләделәр. Алар гектарыннан 19,3 центнер уңыш алдылар, иң зур уңыш  3 нче филиалныкы – 28,4 центнер.

2018 елның 12 сентябрендә “Экстремизымга - юк” ункөнлек кысаларында “Кама Тамагы муниципаль районы “Богородский рай” халыкка комплекслы социаль хезмәт күрсәтү үзәге” дәүләт автоном учреждениясенең гаиләгә һәм балаларга социаль ярдәм бүлекчәсе социаль педагоглары Гөлназ Хөснетдинова һәм Аида Идрисова “Безнең планета бердәм, безнең бердәм гаилә” дигән тематик чара үткәрделәр. Әлеге чара яшь буында дустанә мөнәсәбәтләр тәрбияләү өчен оештырылды. 

Татарстан Республикасы территориясендә урнашкан гомуми белем бирү оешмаларының 8-11 сыйныф укучылары арасында «кулланучылар хокукларын яклау» темасы буенча республика олимпиадасын үткәрү турында.

12 сентябрь көнне Кама Тамагы районы үзәк китапханәсе базасында китапханәчеләр өчен «Татарстан Республикасы китапханәләренең туган якны өйрәнү эшчәнлеге: хәзерге торышы һәм перспективалары» дип исемләнгән зона семинары оештырылды.

12 сентябрьдә Республиканың «Патриот» спорт-патриотик һәм яшьләрне хәрби хезмәткә әзерләү үзәгендә «Алга, яшь армиячеләр!» хәрби-спорт уенының зона этабы узды.  Уенның бурычлары - яшь гражданнарның патриотик аңын формалаштыру, җәмгыятькә лаеклы һәм фидакарьлеккә хезмәт итүгә әзерлек, Ватанны саклау бурычларын үтәү, шулай ук «Хезмәткә һәм оборонага әзер»комплексы кысаларында армиягә чакырылучы яшьләрнең физик әзерлеген тикшерү.

Бүген, 2018 елның 12 сентябрендә,13.00 сәгатьтә Кама Тамагы муниципаль районы башлыгы П. Н.Лоханов  рәислегендә «Татинвестгражданпроект» ГУП белгечләре катнашында район Советы конференц - залында Кама Тамагы поселогының Генераль планына үзгәрешләр кертү буенча халык тыңлаулары узды.