ЯҢАЛЫКЛАР

Инвалидлар декадасы-мөмкинлекләре чикле кешеләргә игътибар, мәрхәмәтлек, кайгыртучанлык һәм ярдәм кирәклеге, тирә-юньдәгеләрнең игътибарын инвалидлар проблемаларына җәлеп итү, аларга тигез мөнәсәбәт формалаштыру, төгәл эшләр белән чын кеше катнашу мөмкинлеге турында искә төшерә. 

"Кама Тамагы  туризм өчен искиткеч матур урын. Соңгы вакытта бигрәк тә мегапопуляр. Юрьев мәгарәсе экстремал туристларның яраткан урыны. 1953 елда А.В. Ступишин  ачкан  бу мәгарәне  - табигать һәйкәле булып тора.  Бу Урта Идел буенда иң озын табигать мәгарәсе. Аның озынлыгы 1 километрдан артык. Ә күләме 14000 куб метрга якын», -  дип уртаклаштылар безнең белән  туган якны өйрәнү музеена Ульяновскидан килгән  бер төркем яшь кешеләр. Алар  райондагы флора һәм фауна, табигать һәйкәлләре,  Бөек Ватан сугышы чорына карата  күп сораулар, кызыксынулар музей хезмәткәрләрен гаҗәпләндерде һәм сөендерде.

Красновидово авыл китапханәсендә Халыкара инвалидлар көненә багышланган «Якты булсын көнегез!» дигән сыйныф сәгате узды. Чарада Красновидово урта мәктәбе укучылары мөмкинлекләре чикләнгән кешеләр белән очраштылар. Чара кунаклары сәламәтлекләре авыр булуга карамастан, инвалидларның актив яшәү рәвеше алып барулары, спорт ярышларында, төрле конкурсларда катнашулары турында сөйләделәр. Балалар үзләрен кызыксындырган сораулар бирделәр. Очрашу дустанә атмосферада узды. Рәхмәт һәм җылы теләкләр белән кунаклар яңа очрашуларга өметләнеп хушлаштылар.

2018 елның 6 декабрендә Валентина Николаевнаны 90 яшьлек юбилее белән Башкарма комитет җитәкчесенең социаль мәсьәләләр буенча урынбасары Елена Владимировна Сороковнина , "Кама Тамагы штп" муниципаль берәмлеге Башкарма комитеты секретаре Ольга Анатольевна Шалдыбина һәм "Кама Тамагы ҮРХ" ДАССОның баш табиб урынбасары Вячеслав Николаевич Климчук котладылар.

2018 елның 6 декабрендә Инвалидлар декадасы кысаларында Кама Тамагы муниципаль районының "Богородский рай" халыкка комплекслы социаль хезмәт күрсәтү үзәгенең гаилә һәм балаларга социаль ярдәм күрсәтү бүлекчәсе белгечләре волонтер Наталья Яранова белән берлектә ОВЗ балалары һәм аларның ата – аналары арасында «серле капкейклар» ясау буенча мастер-класс үткәрделәр.

Район үзәк китапханәсендә 8 нче сыйныф укучылары өчен Россиядә Ватан Геройлары көненә багышланган "безгә онытырга ярамый!" дигән тарихи квест үткәрелде. 

5 декабрь көнне Тәмте авыл китапханәсендә мәдәният йорты белән берлектә мәктәп укучылары өчен хәрби дан көненә һәм Россия Геройлары көненә багышланган чара узды.

Инвалидлар декадасы кысаларында 2018 елның 5 декабрендә Куйбышев Затон поселогында  «Богородский рай» өйдә социаль хезмәт күрсәтү бүлекчәсе социаль хезмәткәрләре һәм китапханә мөдире Вера Заикина социаль хезмәт алучылар өчен "Хуш исле чәй" дигән чара оештырдылар.

1 һәм 2 декабрьдә Кама Тамагы районы бадминтон буенча Идел аръягы лигасы үзәге булды, чөнки бу көннәрдә берьюлы 2 сайлап алу ярышы узды: «Татарстанның бадминтон өметләре» республика турнирының 4 туры һәм Татарстан Республикасы Шәхси кубогының 4 туры. Ярышларда Буа, Югары Ослан, Кайбыч, Тәтеш һәм Кама Тамагы районнарыннан спортчылар катнашты.

Декабрь башы традицион рәвештә инвалидлар декадасы буларак билгеләп үтелә. Ул Берләшкән Милләтләр Оешмасы карары буенча 1993 еллның 3 декабреннән билгеләп үтелә. Районның туган якны өйрәнү музее ел саен Инвалидлар декадасы чорында  төрле чаралар, мастер-класслар, экскурсияләр үткәрә, тормыш  тарафыннан мөмкинлекләре чикләнгән кешеләр өчен күргәзмәләр оештыра. Бу чараларның барысы да кешеләрне җәмгыять тормышына җәлеп итү, танып белү теләге, игелек, рәхмәт хисләре белән тулы.