ЯҢАЛЫКЛАР

Республика күләмендә «Ватаным Татарстан» газетасының каһарман шагыйрь Муса Җәлил призына Әлмәт шәһәрендә узган бәйгедә безнең районнан Равил Мөбарәкшин катнашты һәм призлы урын яулады.

20  нче  февральдә  Туфан  Миңнуллин  музеенда  Туган  тел  көне  уңаеннан якташыбыз  истәлегенә  балалар  театр  кунакханәсе  оештырылды. Т.Миңнуллинның  балалар өчен  язылган  “Үзем  белән  үзем”(2Б сыйныф), “Гафият  турында  әкият”(4 нче  сыйныф), “Авыл  эте  Акбай(6АБ сыйныф), әсәрләре  сәхнәләштерелде. 

Кама Тамагы штп "Акчарлак" спорт - сәламәтләндерү үзәгендә бадминтон буенча укучылар Спартакиадасы, практик семинар һәм Кама Тамагы муниципаль район Беренчелеге булып узды.

21 февральдә сәгать 10да Татарстан Республикасында ПФР бүлеге җитәкчесе урынбасары Эдуард Вафин Кама Тамагы һәм Апас районнарында Пенсия фонды идарәсе җитәкчесе кабинетында куелган видеоэлемтә аша гражданнар кабул итәчәк.

2014 елның 18 февралендә Казан шәһәрендә Әфганстаннан совет гаскәрләрен чыгаруга 25 ел тулуга багышланган тантаналы чара үтте. Әлеге чарада Әфганчылар алдында республика җитәкчелеге исеменнән ТР Дәүләт Советы Рәисе Фәрит Мөхәммәтшин чыгыш ясады.

18 февраль көнне Кама Тамагы районы үзәк хастаханәсенең бала тудыру бүлегендә чираттагы туу турында таныклык тапшыру тантанасы үтте.

ТР Мәгариф һәм фән министрлыгы тәрбия бирүдә аеруча кискен торган проблемаларга җәмәгатьчелек һәм һөнәри педагогик берләшмәләрне тартуда мәгариф учреждениеләрендә алдынгылыкны торгызуга сәләтле тәрбияви идеяләр һәм практиканы ачыклау һәм популярлаштыру максатларында республика районнары мәгариф учреждениеләрендә “Ел сыйныф җитәкчесе” республика конкурсы оештырды.

14 февраль Изге Вәли көнендә Кама Тамагы муниципаль районының Кама Тамагы штп мәдәният йортында 17.00 сәгатьтә укучылар өчен дискотека оештырылган иде.

Изге Вәли - гашыйклар көнендә район дәваханәсенең балалар тудыру йортында муниципаль район башкарма комитетының ЗАГС бүлеге җитәкчесе Елена Халикова Даныш авылында яшәүче Рәзинә Гафурова һәм Кама Тамагыннан Алинә Шакировага балалары туу уңаеннан таныклык тапшырды, истәлеккә бүләкләде.